چھ ہفتے سے لے کر دو سال کی عمر تک کے بچوں کے لیے مفت یا کم قیمت پر نگہداشت اطفال

• نگہداشت اطفال کے اختیارات میں درج ذیل شامل ہیں:
  • چھ ہفتے سے دو سال تک کی عمر کے بچوں کیلئے شیرخوار اور نونہال کے پروگرامز ہیں۔ یہ مراکز یا گھروں میں دن میں 10 گھنٹے تک منعقد ہوتے ہیں۔
  • ارلی ہیڈ اسٹارٹ پروگرامز حاملہ ماؤوں، شیر خوار بچوں اور چلنا سیکھنے والے نونہالوں کیلئے ہیں۔ یہ دن میں کم از کم آٹھ گھنٹے خدمات فراہم کرتے ہیں۔
• اگر آپ اہل قرار پاتے ہیں اور کوئی سیٹ دستیاب ہوتی ہے تو، آپ کا بچہ سال میں کبھی بھی پروگرام شروع کر سکتا ہے۔
• جب تک آپ کے بچے کی قانونی حیثیت ہے، وہ والدین کی قانونی حیثیت سے قطع نظر نگہداشت کے اہل ہیں۔
• اہلیت آپ کے خاندان کی آمدنی، سائز اور ضروریات پر مبنی ہے۔
• اگر خاندانوں کو نقد اعانت ‏(Cash Assistance)‏ نہیں ملتی ہے، جو رضاعی نگہداشت میں نہیں ہیں یا بے گھر نہیں ہیں تو، انہیں نگہداشت اطفال کے اخراجات میں سے کچھ کی ادائیگی کرنے کی ضرورت ہوگی۔

جو اہل ہے

Early Head Start Programs (ارلی ہیڈ اسٹارٹ پروگرامز)

آپ کا خاندان ارلی ہیڈ اسٹارٹ کے لیے اہل ہے یا نہیں اس کا پتا کرنے کا بہترین طریقہ یہ ہے کہ آپ پروگرام سے براہ راست رابطہ کریں۔ اگر ان میں سے کم از کم کسی ایک قسم کا آپ پر اطلاق ہوتا ہے تو آپ کا خاندان ارلی ہیڈ اسٹارٹ کے لیے اہل ہو سکتا ہے:

• آپ عارضی رہائش میں رہتے ہیں
• آپ کو HRA‏ کی نقد‏ اعانت موصول ہوتی ہے
• آپ کو سپلیمنٹل سیکیورٹی انکم ‏(Supplemental Security Insurance, SSI) موصول ہوتی ہے
• آپ ایسے بچے کا اندراج کروا رہے ہیں جو فوسٹر کیئر میں ہے
• آپ کی آمدنی ایک مخصوص سطح سے کم ہے

Infant/Toddler Programs (شیرخوار/ نونہال کے پروگرامز)

اگر آپ کے خاندان کی آمدنی ایک خاص رقم سے کم ہے تو، آپ کا خاندان ان پروگراموں کے لیے اہل ہو سکتا ہے۔ آپ کے پاس کم از کم ان منظور شدہ "نگہداشت کی وجوہات” میں سے ایک کا ہونا ضروری ہے:

• آپ فی ہفتہ +10 گھنٹے کام کرتے ہیں
• آپ تعلیمی یا پیشہ ورانہ تربیتی پروگرام میں ہیں
• ورچوئل خدمات میں آپ کا اندراج ہو گیا ہے
• آپ کام کی تلاش شروع کر رہے ہیں یا 6 ماہ تک کام کی تلاش میں ہیں۔ اس میں بے روزگاری حاصل کرنے کے دوران کام کی تلاش بھی شامل ہے۔
• آپ عارضی رہائش میں رہتے ہیں
• آپ خدمات برائے گھریلو تشدد کا ازالہ میں شرکت کر رہے ہیں

مدد کیسے حاصل کی جائے

• NYCDOE سے نگہداشت اطفال کے بارے میں مزید معلومات حاصل کریں۔