Fòmasyon Pwofesyonèl & Fòmasyon Teknik (Career and Technical Education)

Fòmasyon Pwofesyonèl ak Teknik (Career and technical education, CTE) pèmèt etidyan yo genyen konpetans pwofesyonèl pandan yo ap fini etid segondè oubyen Ekivalans Etid Segondè (Highschool Equivalency Study, HES). CTE ofri esperyans aprantisaj nan travay tankou obsèvasyon nan travay, mantora, ak estaj. Etidyan yo ka jwenn yon Diplòm Rejan CTE ki Apwouve (CTE-endorsed Regents Diploma), akote diplòm tradisyonèl etid segondè yo egzije yo.

CTE disponib nan lekòl segondè CTE yo chwazi ak nan pwogram CTE ki nan lòt lekòl segondè
Etidyan ki genyen ant 17 ak 21 lane yo kapab suiv kou CTE nan Lekòl Fòmasyon Kowoperatif ak Teknik (School of Cooperative and Technical Education, Coop Tech)
Etidyan ki ap fè 8èm ane yo kapab enskri nan CTE pandan pwosesis admisyon regilye nan lekòl segondè a
Coop Tech aksesib pou etidyan ki genyen yon diplòm HSE ak yon diplòm etid segondè tradisyonèl

Ki moun ki kalifye

Pou ou kapab kalifye pou pwogram lekòl segondè piblik NYC a, ou dwe anmezi pou ou bay repons ”pozitif” pou kesyon sa yo:

Èske ou se yon rezidan NYC?
Èske ou se yon etidyan ki ap fè 8yèm ane oubyen ou se yon etidyan ki fenk ap fè 9èm ane aktyèlman?

Pou ou kapab kalifye pou pwogram Coop Tech la, ou dwe anmezi pou ou reponn ” wi” pou kesyon sa yo:

Èske ou se yon rezidan NYC?
Èske ou genyen ant 17 ak 21 lane?
Èske ou ap fè 11èm ane oubyen ou ap fè 12èm ane, oubyen ou nan yon pwogram District 79, oubyen èske ou diplome nan lekòl segondè deja?
Si ou ap etidye toujou, èske ou pase 20 kredi pou pi piti?

Kouman pou aplike

Aplikasyon prentan 2022 a pa disponib ankò.

Lè aplikasyon an ouvri, ou kapab aplike pou admisyon nan CTE nan yon lekòl piblik:

Pran yon fòmilè an papye nan men konseye nan oryantasyon lekòl primè ou a nan yon Family Welcome Center (Sant Akèy Familyal).
Itilize NYC School Finder (lokalizatè lekòl NYC yo) pou ou kapab jwenn lekòl segondè selon kote ou abite a ak selon sa ki enterese ou.
Chwazi jiska 12 lekòl segondè nan lòd ou ta renmen ale ladan yo a.
Remèt konseye nan oryantasyon lekòl ou a fòmilè a ranpli 1ye desanm.

Kòman ou kapab jwenn èd

Pase nan CTE a oubyen ale sou sitwèb Department of Education nan (Depatman Edikasyon an) pou ou kapab konnen plis bagay sou CTE toujou.
Ale sou sitwèb Coop Tech la pou ou kapab konnen plis bagay toujou sou pwogram yo.
Rele biwo admisyon nan lekòl segondè a nan 718-935-2399 oswa voye yon imèl nan [email protected] si ou genyen kesyon sou CTE.
Pase nan Family Welcome Center a (Sant Akèy Familyal la) pou ou kapab jwenn èd anpèsòn.